FRAMÚRSKARANDI DRIFKRAFTUR:
MG Í HEILA ÖLD
Fá vörumerki eiga sér jafn tilkomumikla sögu og MG. Allt frá árinu 1924 hefur MG framleitt bíla sem fólk elskar að aka.
Í gegnum árin hefur MG framleitt margan bílinn sem skartað hefur tímalausri fegurð. Enn byggjum við á næstum einnar aldar gamalli sígildri breskri hönnun í bland við nýjustu tæknilausnir í hverri einustu gerð sem við framleiðum.
Breskur stíllinn sem einkennir MG er enn auðgreinanlegur á þeim bílum sem við framleiðum í dag, allt frá aðalljósum í stíl við London Eye til innanrýmis með evrópsku yfirbragði.
MG er þekkt fyrir akstursíþróttaeinkenni bílanna sinna sem enn er ofið inn í hönnun nýrra bíla fyrirtækisins, svo sem hinn sígilda MGB og eftirtektarverða Cyberster.
MG 14/28
Uppruni MG-sportbílanna
MG byrjaði sem sportbíladeild hjá Morris Cars. Bílarnir náðu fyrst athygli almennings árið 1924 með fyrstu gerðinni í línunni: MG 14/28, sem náði 65 mílna hámarkshraða á klukkustund.
Þessir bílar komu MG á kortið sem eftirlætismerki á meðal áhugamanna um sportbíla.
The Old Number One
Minni, hraðari og skemmtilegri í akstri
Cecil Kimber hjá Morris Garages í Oxford sagði skilið við starf sitt sem sölumaður og hóf vinnu við draumsýn sína: að smíða minni og hraðari bíla sem væru skemmtilegir í akstri. Hann bjó til fyrsta MG-sportbílinn: Old Number One.
Litli MG M-Type bíllinn
Sportbíll fyrir almenning
M-Type er fyrsti „sportbíllinn fyrir almenning“ frá MG. Hann sýnir vel framsækni MG. Hann er hraðskreiður, skemmtilegur í akstri og á hagstæðu verði. Bíllinn naut þegar í stað mikilla vinsælda.
MG K3 Magnette
MG slær öllum við
MG K3 Magnette vann Mille Miglia-kappaksturinn, sem var einn sá erfiðasti í heiminum á þeim tíma. George Eyston og Johnny Luriani voru fyrsta liðið utan Ítalíu til að vinna kappaksturinn í flokki 1100 cc bíla.
Litli MG TC-bíllinn
Sá svali
Fyrirtækið setti á markað MG TC-bílinn með alls konar svölum búnaði og græjum. MG framleiddi fleiri en 10.000 TC-bíla. Þannig hófst æði Bandaríkjamanna fyrir breskum sportbílum.
MG ZA Magnette
Ár hins sígilda Magnette
Upphaflega vakti MG ZA Magnette nokkra furðu. Traust afköst hans og fyrsta flokks búnaður gerðu hann þó að uppáhaldi allra áður en langt um leið.
MGA
Straumlínulagaður MG fyrir framtíðina
MG undirbýr sportbílalínuna sína fyrir bílaáhugamenn nútímans með nýrri 1498 cc vél og rennilegri straumlínulögun sem leggur grunninn að spennandi framleiðslu þar sem yfir 100.000 MGA-bílar seljast á sjö árum.
MG EX181
Methafar
MG náði nýjum hæðum á tímabilinu 1954–1959 með tveimur nýjum methöfum.
EX181, einnig þekktur sem „the Roaring Raindrop“, náði nýjum methraða, 395,31 km/klst., á Bonneville-saltsléttunni undir stjórn hins goðsagnakennda ökuþórs Sir Stirling árið 1957. Bíllinn sló svo eigið met tveimur árum síðar og náði þá 410,23 km/klst. með F1-ökumanninn Phil Hill undir stýri.
MGB
Sá söluhæsti
Opni MGB-sportbíllinn var söluhæsti MG-bíllinn áratugum saman. Segja má að hann sé fyrsti nútímabíll MG, þar sem hann var fyrsti MG-bíllinn með sjálfberandi yfirbyggingu. Hann náði 100 km/klst. úr kyrrstöðu á aðeins 11 sekúndum og seldist í meira en 500.000 eintökum.
MGB GT V8
Margur er knár, þótt hann sé smár
Sem hluti af breska fyrirtækinu Leyland hafði MG aðgang að margvíslegum vélum, eins og 3,5 lítra Rover V8-vélinni. Lítill bíll með mikið afl reyndist vera afar vinsæl samsetning.
MG Metro
Stærðin skiptir ekki alltaf máli
Eftir að Abingdon lagði upp laupana töldu margir að dagar MG væru taldir. Svo var ekki. MG kom tvíeflt til baka og setti á markað hinn skemmtilega og netta MG Metro. Hann á sér enn stóran aðdáendahóp.
MG RV8
Endurfædd goðsögn
Á 9. áratug síðustu aldar jukust vinsældir MGB sem og annarra sígildra bíla. Enn á ný var áþreifanleg eftirspurn eftir sportbílum. Árið 1993 sneri MGB aftur í formi MG RV8, opins sportbíls með 3,9 lítra V8-vél.
MGF
Sá svali endurfæddur
MGF var fyrsti nýi MG-sportbíllinn frá árinu 1962. Mikil eftirvænting ríkti fyrir komu bílsins á markað. Hér var á ferðinni framsækinn bíll: með miðlæga vél og gasfjöðrun. Og fólk elskaði hann: Hann varð fljótt vinsæll um víða veröld.
MG6
Endurkoma með fersku yfirbragði
Nýi MG6 GT-bíllinn var fjögurra dyra Hatchback með gott jafnvægi milli sportbílaarfleifðar MG og nútímalegrar hönnunar. MG6 GT og Magnette gáfu forsmekkinn að fagurfræði nýrrar kynslóðar MG-bíla.
MG3
Nýir tímar, nýjar kröfur.
Með framsýnina að leiðarljósi, eins og alltaf, gerði MG sér grein fyrir þörfinni á persónulegum stíl. Því kynnti MG til sögunnar MG3, sem bauð neytendum að taka þátt í hönnun bílanna með ítarlegum valkostum um sérsnið. MG3 vakti aftur athygli bílakaupenda um allan heim á MG.
MG5
Samruni hönnunar og krafts
MG5 kom, sá og sigraði, sem einstaklega nettur bíll með gullfallegt ytra byrði og innanrými, auk frábærrar fjögurra strokka 1,5 lítra „VTi-Tech“ bensínvélar.
MG6 GT BTCC
Sigurvegarinn
Jason Plato, einn sigursælasti ökuþór í sögu kappaksturs á hliðarrúðulausum blæjubílum í Bretlandi, ók MG 6 GT-bílnum og sneri svo aftur í BTCC tíu árum síðar til að styðja MG-liðið til sigurs í sex kappaksturskeppnum og fimm einstaklingskeppnum.
MG GS
Fyrsti SUV-bíllinn
MG hefur ávallt verið í fararbroddi þegar kemur að nýjungum og þar er MG GS, fyrsti SUV-bíllinn frá MG, engin undantekning. Aukin lipurð þýddi að bíllinn lá jafn vel á vegum og í torfærum.
MG ZS
Með tengingu
MG ZS kom á markaðinn árið 2017. Fyrsta gerð MG með nettengingu naut fljótt vinsælda um allan heim. Hann hefur verið seldur í fleiri en 40 löndum og er að nálgast 800 þúsund seld eintök á sex árum. Rafbílsútfærslan MG ZS EV kom á markað árið 2018.
MG E-Motion hugmyndabíllinn
Fegurð og E-Motion
Glæsilegur E-Motion hugmyndabíllinn er rafbíll sem hannaður var til að ná 100 km/klst. úr kyrrstöðu á innan við fjórum sekúndum og bjóða upp á rúmlega 500 km drægi. Þar fer MG-bíll sem vekur athygli.
MG X-Motion hugmyndabíllinn
Dásamlegur og dýrslega öflugur
MG X-Motion fylgdi hönnunarstefnu MG um áhrifaríkan hreyfanleika sem kynnt var til sögunnar í E-Motion. Hér var á ferðinni dásamlegur og dýrslega öflugur bíll. MG HS SUV-bíllinn sem kom á markað sama ár varð framleiðslugerð MG X-Motion hugmyndabílsins.
MG ZS EV
Fjölskylduvænn
MG ZS EV er fjölskylduvænn, rafknúinn og mjög skemmtilegur í akstri. MG SUV-bíllinn kom á markað á meginlandi Evrópu árið 2019.
MG Cyberster-hugmyndabíllinn
Opinn framtíðarsportbíll
Við kynnum MG Cyberster, tveggja sæta rafknúinn sportbíl sem sækir innblástur til sígildra opinna sportbíla MG, en sem er jafnframt stútfullur af nýjum hátæknibúnaði, þ.m.t. gagnvirku leikjasvæði í ökumannsrýminu og 5G-tengimöguleikum. Drægi á rafmagni er um 800 km og hann fer úr kyrrstöðu í hundraðið á innan við þremur sekúndum.
MG7
Glæsilegur fólksbíll
Árið 2022 svipti MG hulunni af stærsta fólksbílnum sínum hingað til – MG7, sem er flottur fimm dyra sportbíll. Hér tvinnast mjúklega saman rými og íburðarmikill stíll.
MG4 Electric
Sístækkandi fjölskylda rafbíla
Árið 2022 höfðu fimm MG-gerðir sem ganga fyrir nýjum orkugjöfum litið dagsins ljós á meginlandi Evrópu, og þar er Hatchback-rafbíllinn MG4 Electric nýjasta viðbótin við MG-fjölskylduna.
Við eigum meira inni
Arfleifð til framtíðar
MG er með góða kjölfestu í arfleifð sinni sem ávallt hefur byggst á framtíðarsýn og nýjungum og mun halda áfram að byggja á þessari arfleifð sinni til að þróa bíla sem hreyfa við fólki.
